Flöskuskeyti


26. apríl 2012

Flöskuskeyti fundið 25. apríl 2012

Sigríður Gísladóttir, kennari við Lýsuhólsskóla, rakst á flöskuskeyti í fjörunni við Ósakot í gær. Hún kom með það í skólann og þar var það opnað.

Svo merkilega vildi til að flaskan innihélt umhverfisverkefni, fannst á degi umhverfisins af kennara við Grænfánaskóla.

Flöskuskeytið er hluti af verkefni sem heitir The drift bottle project (Flaska á reki) og undir það skrifar Hafrannsóknarstofnun í Kanada.

Þar segir m.a.: "Við þörfnumst hjálpar þinnar! Með því að finna þessa flösku ert þú orðinn þátttakandi í rannsókn okkar á hnattrænum hafstraumum. Vinsamlegast tilkynnið fund flöskunnar og við segjum þér hversu langt flaskan hefur ferðast".

Þar segir einnig: "Flaska, sem hent er í sjóinn og rekst þar með straumum, getur borist á land hvar sem er í heiminum og sama er að segja um olíumengun og rusl. Til að vernda hafið er mikilvægt að þekkja þessa strauma".

Við í Lýsuhólsskóla sendum nú upplýsingar um fund flöskunnar á netfang kanadísku Hafrannsóknarstofnunarinnar og fáum væntanlega fleiri upplýsingar um rannsóknina.

The drift bottle project

© Skóli 2011